In Memoriam

Writings

Elva left behind her numerous notebooks with thoughs, poems and small writings. Before she died she gave us permission to share some of her work.

Without Title

Mig langar að synda í skýjunum,

yfir öllu,

undir öllu.

Gleyma mér, finna mig,

finna nostalgíuna læsa sig um mig

en ég er fjöður

frá útdauðum fugli.

Ég svíf,

ég er létt,

ég er þung.

Hvað heldur aftur af mér?

Keðjur fortíðarinnar eru farnar að ryðga. Eitthvað annað heldur mér

í heljargreipum.

Ég hlusta á Guð sem segir mér

að ég sé svöng

en himnaríki varar mig við græðgi.

Oftar en ekki hunsa ég hjartað

en núna hlusta ég.

Tárin slökkva hefndarlogann

      eftir situr ónothæfa askan

      uppfrá henni stígur enginn Fönix

Ég er hrísla

      rætur mínar halda mér

      en vindurinn að ofan blæs í gegnum mig og leikur sér við blómin mín.

Mín dýrmætu blóm.

      þau sem tákna fegurð, söknuð og gleði

svo mikill tilgangur

en svo mikil viðkvæmni

þegar í mér fann ég

ekkert.

Ekkert fyrir en blómin dóu

og tilgangurinn fór

áttaði ég mig á afleiðingunum

bar á mig áburð

svo ég geti náð

fyrri dýrð.